INIESTA HUYOOOO JAPAN, APANDISHWA NDEGE YA KUKODI KWENDA KUMALIZA MCHEZO

Zile taarifa kwamba mkongwe Andres Iniesta atacheza soka nchini Japan, zimeanza kutimia.

Hii ni badaa ya Iniesta ambaye amestaafu kuichezea FC Barcelona kusafiri hadi nchini Japan kwa ndege maalum ya kukodi kumalizia mazungumzo ya mwisho.

Taarifa zinaeleza, Iniesta atajiunga na Vissel Kobe ya nchini Japan na ametupia picha mtandaoni akiwa na boss wa klabu hiyo, Hiroshi Mikitani, na sasa inaonyesha hakuna ubishi kwamba atacheza katika ligi ya nchini hiyo maarufu kama J1 League.

Tayari inaonekana kuna mvuto wa uhusiano kwa kuwa FC Barcelona inadhaminiwa na kampuni ya Raukaten ambayo ndiyo mdhamini mkuu pia wa Vissel Kobe.